Exo 11 | Ndebele | STEP | IN kosi yasisithi kuMozisi: Ngisezakwehlisela kuFaro lakulo iGibhithe inhlupheko eyodwa ; emva kwalokho uzaliyekela lihambe lisuke lapha; ekuliyekeleni kwakhe lihambe uzalixotsha lokulixotsha lisuka lapha ngokupheleleyo .

a 4:23

b 12:31,33,39

c3:22, 12:35

d3:22, 12:35

e 12:29; Amos 4:10

f Hlu 16:21; Mat 24:41

g 12:30; Amos 5:16,17

i8:22, 9:4

k3:19, 7:4, 10:1

Exodus 11

Ukuxwayisa ngenhlupheko yetshumi: Ukufa kwamazibulo

1 INkosi yasisithi kuMozisi: Ngisezakwehlisela kuFaro lakulo iGibhithe inhlupheko eyodwa ^a; emva kwalokho uzaliyekela lihambe lisuke lapha; ekuliyekeleni kwakhe lihambe uzalixotsha lokulixotsha lisuka lapha ngokupheleleyo ^b. 2 Ake ukhulume endlebeni zabantu, ukuthi bacele, ngulowo kumakhelwane wakhe, lalowo owesifazana kumakhelwane wakhe, izinto zesiliva lezinto zegolide ^c. 3 INkosi yasinika abantu umusa emehlweni amaGibhithe ^d. Futhi indoda uMozisi waba mkhulu kakhulu elizweni leGibhithe emehlweni enceku zikaFaro lemehlweni esizwe.

4 UMozisi wasesithi: Itsho njalo iNkosiithi: Phose phakathi kobusuku ngizaphuma ngiye phakathi kweGibhithe ^e; 5 lawo wonke amazibulo elizweni leGibhithe azakufa, kusukela kuzibulo likaFaro elizahlala esihlalweni sakhe sobukhosi, kuze kube kuzibulo lencekukazi engemva kwelitshe lokuchola, lamazibulo wonke ezifuyo ^f. 6 Njalo kuzakuba khona isililo esikhulu elizweni lonke leGibhithe, esingazanga sibe khona esinjengaso, lesingayikuba khona futhi esinjengaso ^g. 7 Kodwa lakubo bonke abantwana bakoIsrayeli inja kayiyikulola ulimi lwayo ^h, kusukela emuntwini kusiya ezifuyweni, ukuze lazi ukuthi iNkosi iyehlukanisa phakathi kweGibhithe loIsrayeli ⁱ. 8 Lazo zonke izinceku zakho lezi zizakwehlela kimi, zingikhothamele zisithi: Phuma wena lesizwe sonke esikulandelayo. Langemva kwalokho ngizaphuma ^j. Wasephuma kuFaro ekuvutheni kolaka.

9 INkosi yasisithi kuMozisi: UFaro kayikulizwa ^k, ukuze zande izimangaliso zami elizweni leGibhithe ^l. 10 OMozisi loAroni basebesenza zonke lezizimangaliso phambi kukaFaro, kodwa iNkosi yenza inhliziyo kaFaro yaba lukhuni, kazabayekela abantwana bakoIsrayeli baphume elizweni lakhe ^m.